दसैँ बिदा र राम्रो मौसमले सौराहामा पर्यटक बढे, होटलमा कोठा पाउनै गाह्रो

चितवनको सौराहामा पछिल्लो समय पर्यटन व्यवसाय फेरि चलायमान भएको छ। बाढी, पहिरो र सडक अवरोधका कारण यहाँको व्यवसाय केही महिनासम्म प्रभावित थियो।

दसैँ बिदा र राम्रो मौसमका कारण सौराहामा आउने पर्यटकको संख्या बढेको हो। पर्यटक बढेपछि यहाँका पर्यटन व्यवसायी खुसी छन्।

सौराहामात्र होइन, देशका अन्य प्रमुख पर्यटकीय गन्तव्य पनि पाहुनाले भरिएका छन्। लुम्बिनी, पोखरा, मुस्ताङ र घोडेपानीलगायत ठाउँमा स्वदेशी तथा विदेशी पर्यटक बढेका छन्। सौराहाका होटलमा कोठा पाउनै गाह्रो भएको छ।