इटहरीमा ट्रकको ठक्करबाट मोटरसाइकलमा सवार दुई जनाको मृत्यु

सुनसरीको इटहरीमा ट्रकको ठक्करबाट मोटरसाइकलमा सवार दुई जनाको मृत्यु भएको छ।

इटहरी उपमहानगरपालिका–१३ स्थित गणेश पेट्रोल पम्प नजिक गएराति ट्रकले मोटरसाइकललाई ठक्कर दिएको थियो। सो दुर्घटनामा मोटरसाइकलमा सवार दुवै जनाको मृत्यु भएको हो।

जिल्ला प्रहरी कार्यालय सुनसरीले घटनाबारे जानकारी दिएको छ। दुर्घटनाबारे प्रहरीले थप विवरण सङ्कलन गरिरहेको छ।

मृतकको नाम र दुर्घटनाको कारणबारे थप विवरण भने सार्वजनिक भएको छैन।